دعوة عامة من أحشاء المدينة

نهار الثلاثاء، غداً، الساعة 11 صباحاً في بيت المحامي تحت إشراف نقيب المحامين يسلم أهالي المفقودين والمختقين قسرياً رئيس بعثة اللجنة الدولية للصليب الأحمر نسخة عن ملف التحقيقات التي أجرتها اللجنة الرسمية عام 2000

من الإعتصام مقابل السراي الحكومي لتسليم أهالي المفقودين كامل ملف التحقيقات - ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

الثلاثاء 16 وقت بتوعا (أو بتوعي) من أحلامك أو كوابيسك، غسّل(ي) وجّك وفرشي سنانك وروح على بيت المحامي وإطلع عالطابق الخامس عالأوديتوريوم. ما تستحي إذا شفت دبلوماسيين أو قضاة… الدعوة عامة… بس المشهد فريد وعجيب خصوصاً ببلد مثل لبنان… مش كل يوم فيك تشوف مثله… شي غير شكل حقيقة… واو…

هاو الناس أهالي مفقودي الحرب اللبنانية اللي عاملين الحفل واللي ما حدن إلتكش فيهم من اللبنانيين ومدّلهم إيدو خلال كل هالسنين اللئيمة. هالناس اللي عم بيضيعو حياتهم الضايعة أصلا، وعم بشرشروها بالشارع من أكثر من 30 سنة بحثاً عن حبايبهم… قديش كان عمرك من 32 سنة؟… وما حدن فاضيلهم أو ما حدن عم يردّ عليهم لأنو قضيتهم ما بتنحل… بس إنتبه ما بتنحل مش لأنها صعبة… نحن الشعب اللبناني العنيد حلّينا أصعب منها… وكل بلاد العالم كمان حلّوا مشاكل مثلها، المتقدمين عنّا والمتأخرين عنّا…

طيب كيف ما بنتحل ونحن بلبنان؟ ما عم تنحل معنا لأنو ما بتنصرف حصص، ما بتتسيّل بالرشوة… وقت بتلاقي عضمة ما فيك تعرف سلفاً إذا هايدي بتعود لشيعي أو سني، لماروني أو أرمني أو فلسطيني… أو لشي ضبع… بتبحث عنها أو ما بتبحث يا هملت، وخلص… إذا ما بحثت، أكيد ما حتلاقي شي… شو بتلاقي إذا بحثت، هاي قصة ثانية… وبرنامج الطائفية مع أنو متطور كتير عنّا بعد ما قدر يخرق سر شو رح تلاقي… بس إذا عملت الدولة فحص الDNA لهالناس، يمكن مبلى… أصلاً، بلا ما تبحث الدولة، عم يلتقي عضام في الورش وعم تاخذها الدولة وبتكدسها… شو المشكلة إذا تعرفت عليها وردتها لأهلها كمان إذا بيّن معهم لمين الرفات؟

بدك تشوف «معترين» عم يستضيفوا كبار لبنان وكبار العالم؟… عم تحكي جد؟… بدك تشوف ناس حاملين قضية بتخص آلاف من الناس المفقودة وعشرات الآلاف من أهلهم. ناس من كل الطوائف بدون إستثناء ومن كل جنسيات الناس اللي كانت عايشة بلبنان إيام الحرب… ناس ما إلها زعيم سياسي أو مرجعية دينية، ناس عندها قضية وعرفوا كيف يحافظوا عليها، وما تركوا حدن يلوثها… ناس عرفوا يدافعوا عن وحدتهم من أكثر من 30 سنة… أكيد بلبنان؟ مبلى مبلى بلبنان هالمشهد… والله؟ إيه والله… ما كنت عارف أنو في هيك شي وقت بتنق وبتكرفت عالشعب، ما هيك؟… هالمشهد رح نعملوا مجاني كرمالك بس قوم غسّل وجّك… حلو تشوفه (ومش عشاشة التلفزيون شي مرة)، تشوفه وتشارك فيه عن قريب… يللا قوم وغسّل وجّك…

بس شو حققوا بكل هالسنين؟ حقك تسأل… وصحيح ما حققوا كتير بس حققوا إشيا بتخليهم يستمروا اليوم تيحققوا أكثر… وممكن يحققوا أكثر بكتير كمان إذا قمت وحطيت إيدك بإيدهم وعذّبت حالك ورحت على بيت المحامي… تيحسّ المندوب الأجنبي والمسؤول المحلي أنو ورا هالمفقودين في أهلهم، وورا أهلهم في ناس وفي رأي عام…

ليش في رأي عام بلبنان؟ بتعرف أنو إنت جزء من الجواب، رح إتركك تفكر…

بس إذا حسمت أمرك وقمت… وجيت، بنصحك تجي بالنقل العام وتنزل عالمتحف أو عالعدلية… وتكفّي مشي ما بتاخد معك أكثر من دقيقتين أو ثلاثة… وإذا بعدين كمان بدك تكّفي معهم (يا ريت) إكتبلن على kidnapped961@yahoo.com

تابعوا حملة «حقنا نعرف»

الدعوة عامة
الموضوع:
تسليم أهالي المفقودين إلى الصليب الأحمر الدولي بإشراف نقيب المحامين في بيروت نسخة عن ملف تحقيقات اللجنة الرسمية لعام 2000
المكان: بيت المحامي، على الجادة بين المتحف وقصر العدلية، الأوديتوريوم ألطابق الخامس
الزمان: الثلاثاء 16 كانون الأول 2014 الساعة الحادية عشرة من قبل الظهر، مدة الحفل 60 دقيقة

IMG_5063

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات - ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات - ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

IMG_5089

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

IMG_5059

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

IMG_5067

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

IMG_5064

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات - ١٨ أيلول ٢٠١٤

من الإعتصام مقابل السراي الحكومي لتسليم أهالي المفقودين كامل ملف التحقيقات – ١٨ أيلول ٢٠١٤

هذا المنشور نشر في Disappeared | المفقودين, Lebanon | لبنان. حفظ الرابط الثابت.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s