لبنان ممكن تصير فيه ثورة “بس إذا”..

لبنان ممكن تصير فيه ثورة قوية، لانه الطبقة السياسية (بأطيافها كلها الحاكمة حينا والمعارضة حينا) تهين المواطنين اشد اهانة يوميا وفي كل شيء، ولم يتبق من الدولة ولقاء المجتمع أثر كبير إلا في الاجتماع حول التأفف والقرف. هذه الثورة ممكن تصير “بس اذا” تخلوا الناس عن مقولة واحدة مؤسَّسة للكيان تاريخيا وهي ان لبنان احسن وارقى واحلى وألذ ومهضوم اكثر (واحيانا: اكتر بكتبر) من جيرانه وغيره من الشعوب العربية وشعوب العالم قاطبة خصوصا الجنوبية منها، وكل ملحقات هذه المقولة مثل:

“زعيمنا” مهضوم اكتر من زعيمكن، وطايفتي بتحميني اكثر من طايفتك، و”منطقتنا” احلى من منطقتكن، و”زعيمي” وظفني بمعاش اعلى من معاشك، وسيارتي افخم وأعلى من سيارتك، ومحل تنورتي ارقى من محلك، وكوافيري احسن من كوافيرك، وزعيمي مفترس اقل من  زعيمك، و”نحنا” اصلا منفهم أكثر منكن، وتلفزيونا بثيرني اكثر، وسيليوليري مهضوم اكتر، ومدرسة طايفتنا مستواها احسن، و”منطقتنا” فيها ضجة اقل من منطقتكن، والكهربا عنا بتنقطع اقل، و”بنكي” بيعطي فوايد أكتر، و”بحرنا” فيه مجارير وتلوث اقل، وعجقة السيارات عنا اقل، وريحة المازوت عنا أخف، والأبراج عنا أعلى، ورأيي أهم من رأيك وبحكي لغات اكثر منك وبلد هجرتي احسن من بلد هجرتك!

نحن الآن في مرحلة أكثر ما يجمع اللبنانيون المتفرقون فيها هو القرف الشديد المشترك من احوالهم واحوالهن مع صخب مجنون ردّا على هذا القرف تتخلله دواليب دانلوب متدحرجة محترقة. وتناقضات الدولة والطبقة السياسية المسيطرة باتت واضحة (وهي ضرورية لأي ثورة..). ويبدو أن شروط القيام بهذه الثورة باتت تنضج فلا أحد يجرؤ بعد على ترديد مقولة (بصوت عال..): لبنان أحسن من غيره! الظروف بدأت تنضج وعمليا رفع الناس بقرف وصخب شعار “القرف أسقط الغرور”، على أمل التقدم نحو احترام التواصل والتواصل باحترام، وبانتظار أن يفاجأنا الشعار التالي: الشعب يريد…

هذا المنشور نشر في Lebanon | لبنان. حفظ الرابط الثابت.

رد واحد على لبنان ممكن تصير فيه ثورة “بس إذا”..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s