البسطة والقهر

رحت اتمشيت بالبسطة من يومين. كنت كمان عم فتش على بيت. ما تسألوني ليه. بس كنت حاسة انو بدي فتش على بيت. لإلي، مش لإلي، ما كان مهم براسي. المهم كان ببساطة انو لاقي بيت حلو، للبيع او للأجار، بسعر منيح.
فيه شارع بمنطقة البسطة دايماً لفت نظري… رايق ومتواضع، وفيه كنيسة، الكنيسة الوحيدة الصامدة بالبسطة. الشارع فيه مباني من الستينات كتير حلوة: سقفها عالي وبلاكين كبار وبيفتلها ضو وبلاطها بيجنن وفيه مساحات خضراء حولها. هيي البسطة كلها بنايات حلوة من العشرينات، والمنطقة كلها جوها لذيذ، بس هالشارع شدني فيه عمارات الستينات. اتمشيت فيه وحكيت مع النواطير وسألت على بيوت للأجار او للبيع. وكنت مبسوطة. البيوت الرائعة أكيد ما كانت للأجار، سكانها عيل كبيرة وقاعدين فيها الختايرة. بس كان فيه بناية ما إشبها شيء، وعم تترمم وتتزبط للأجار…. بس عرفت انو كل البيوت الصغيرة يللي بوجها اشتراها واحد وحتنهد بعد شهرين! طيب اذا انهدت وصار مكانها أبراج بشعة، شو إلها عازة العيشة بهالشارع؟

اكتأبت كتير. انا كتير بحب البسطة، وعملت معها علاقة من ورا مكان شغلي. كيف هيك بلحظة، بخبرية واحدة، بحس انو عم بيكرهوني بيروت؟ البسطة من الأماكن القليلة يللي بعدني بحبها ببيروت. انقهرت، وبطلت أعرف وين بلاقي بيت الأحلام.

 

 

 

هذا المنشور نشر في Lebanon | لبنان, Stories ا قصص. حفظ الرابط الثابت.

5 ردود على البسطة والقهر

  1. يقول Hanibaael:

    للاسف، بعد الحرب كانت خطة الحريري تحويل مدينة بيروت مكان للاغنياء فقط!
    وهيك، من خلال تفاهم “تركولنا السلاح، وخدوا الاقتصاد” انحكم البلد، وانسحقت الطبقة الوسطى، وصارت جزء من الطبقة الفقيرة، والطبقة الفقيرة نزلت تحت الارض اكتر!
    وهيدا اللي عم يصير بالبسطة، مش محصور بالبسطة. الحي اللي خلقت، وتربيت فيه، بمنطقة وطى المصيطبة، واللي بتعيش فيه شريحة واسعة من الطبقة الفقيرة (المتوسطة وما دون) حالياً تم شراء أغلب العقارات فيها، وعم يتم إخراج الناس المستأجرة اجار قديم من الحي، مع تعويض لا يُذكر، وعم يتم هدم هيدي الابنية، لحتى بعدين تتحول لابراج وابنية فخمة للشركات الكبرى والطبقة الغنية (جداً).

    بهيدا التعويض اللي عم تاخدوا العائلات الفقيرة ما بكفي لحتى تدفع دفعة اولى لشقة بضواحي ضواحي بيروت. وهيك، مع خروج هيدي العائلات من هيدي الاحياء ما بتعود عندها القدرة تسكن بالمدينة اللي الاجارات فيها لشقة متواضعة جداً وبتتألف من غرفة نوم وحدة هي اعلى من معاش عائلة فقيرة. وهيك عم يتم تفريغ بيروت لتصير مجرّد مكان خاص بالابنية الفخمة والابراج العالية..

    كرمل هيك مش غريب نشاهد كتابات غرافيتي متل “بيروت ليست دبي”..

  2. يقول awadisara:

    nice !!! but please it is not basta !! you can call it mazraa and for more details it is “mar mkhael street ”
    I live there and we feel bad about this😦 believe me

  3. يقول Basta El ta7ta:

    What’s wrong with the word “Basta”? Is it not classy enough for you

  4. يقول Hanibaael:

    .yes, the whole region called “Mazraa” and AL BASTA is one of Mazraa’s neighborhoods
    Like Hamra Street is a neighborhood in RAS BEIRUT

    and yes, it called BASTA😀

  5. يقول Hanibaael:

    منطقة المزرعة هي منطقة إداريّة.. ولكن شعبيّاً، المزرعة هي الشارع العريض اللي بيمتد من البربير لمفرق مار الياس.. والمزرعة هي مجموعة احياء كبيرة، ومنها حي البسطة الفوقا والتحتا..
    متل ما انو راس بيروت هي منطقة مؤلفة من عدة احياء، ومنها حي الحمرا ( او شارع الحمرا)..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s